Sex and Violence in the T.V. and Internet
Ako si Geraldine Repolidon, representante sa Marigondon Elementary School alang sa The Quest for Young Commentators sa Aksyon Radyo Cebu, Padayon Pilipino.
Mga higala una ta mopadayon sa unahan ato using paminawon ang mga bulawanong pahinumdom.
Mga Misis aron si Mister ug inyong kabataanganahan sa pag-uli ug sayo, ayaw kalimot sa paggamit sa produkto sa Taipan Sauce sa inyong pagluto. Sama sa suka, patis ug sweet and sour. Sa Taipan Sauce pagkaon, lami gyud.
Maayong hapon kaninyong tanan. Ang atong pagatukion karong hapona mao ang Sex and Violence in the T.V. and Internet.
Mga kaigsuonan, nahibalo ba kita kung unsay buot ipasabot aning sex? Kon sa atong pinulongan, mao angpakighilawas. Ug unsa ang epekto niini sa atong kinabuhi ilabina wq mga kabataan sama nako. According to my studies, sex is a holy deed for married couples by means of sexual intercourse which is blessed by our Holy Father to reproduce another life. It’s a holy or sacred thing, meaning it should nit be abused. Pero tungod sa ka high-tech sa atong panahon karon, dili nato malilong ang mga kahilayan tungod sa impluwensya sa telebisyon ug internet. Oo, tinuod nga anaay maayong butang nga makuha sa pagka-anaa niining mga kahimanan. Pero ang pangutana, tanan bang epekto niini nga teknolohiya, kaayuhan kanatong tanan? Daw nagpakabuta-bungol ta sa dautang epekto niini sa atong mga katilingban. Di ba tungod sa impluwensya sa telebisyon ug internet nakat-on na ang mga kabataan sa pagbuhat ug mga dautang gawi ilabina niining sex.
Ang mga kissing scenes sa telebisyon, ang mga bed scenes sa pelikula sa pelikula sa mga sinehan. Dili ba dako na kining impluwensya sa mga panghunahuna sa mga kabataa? Ug tungod niini, nahimong agrisibo ang atong mga kabatan-onan bahin anang sex. Nakahunahuna sila sa pagpanglugos bisan na gani sa ilang mga kadugo tungod sa ilang pagka-agrisibo. Subo nga pamalandungon nga daghan sa atong mga kabataan karon ang nagahin ug dakong oras sa pagtan-aw ug telebisyon kaysa pakigsuod sa miyembro sa ilang pamilya aron adunay pagsinabtanay sulod sa ilang panimalay.
According to the recent survey, the average child spends 4-6 hours per day watching television and that same child spends only 15 minutes of quality time with his father. Mao na ang kasagaran karon, dili suod ang mga ginikan sa ilang mga anak kay naglabi anga oras sa anak sa pag-atubang sa telebisyon.
Usa pa sa dautang epekto niini nga kahimanan sa kinabuhi, mao ang pagkabayolente sa mga kabataan. Ang pagbuhat ug krimen susama sa mga eksena sa pelikula. Mao bitaw na nga kitang mga Pilipino giila sa pagka-great imitators. Kay kahibaw nga sayop nganong suhiron pa gyud. Mao na, lugos dinhi, patay didto. Ang nakaparat pa gyud halos mga kabataan ang nahilambigit niining krimen. Dili ta makatuo nga sa dili pa kahingkod sa ilang pangisip, mahilambigit na sila niining mga krimen. Mao bitaw na nga daghan sa atong mga kabataan mga imbis anaa sa eskwelahan apan hain man? Tua sa prisohan, dili ba mahimo nga magpuyo kita ning kalibutana nga wala kini nga mga krimen? That is why, in the recent studies it shows that the children are exposed to sex on t.v. at a young age are far more likely to engage in it at a young age. And children who are exposed to violence at a young age are far more prone to be violent.
Kinsa man ang angayang mahayon sa pagkamubo sa moralidad sa atong mga kabataan karon?
Sa mga ginikan, wala ba kamo matandog sa inyong nadungog karon? Nga diha sa inyong gituhoan nga makalingaw nga telebisyon para sa inyong mga anak, mao man hinuon kini ang magtukmod kanila ngadto sa kadautan.
Sa atong panggobyerno karon, manghinaot ko nga lig-onon ninyo ang kampanya batok aning malaw-ay nga mga salida sa telebisyon ug sa internet.
Sa mga kabataan karon sama nako, itugot ba ninyo nga gub-on ang atong maanindot nga kaugmaon aning malaw-ay ug bayolente nga salida sa telebisyon ug internet nga maoy produkto sa atong bag-ong teknolohiya. Dili nato osalikway ang mga pulong sa atong national hero nga nag-ingon, nga kitang mga kabataan maoy paglaum sa atong nasod.
Busa pagmata ug pagpakabana…
PADAYON PILIPINO!!!
